Dusha ceerigaabiyo ilaa daalo cidhifkeeda
Durduri iyo xeebtiyo ilaa dixaha sii baahsan
Xingalool dariiqaa galiyo soolka darafkiisa
Dacallada Hadaaftimo ilaa Badhan daraygeeda
Mar hadii gugii uu ku da’ay daadna mulacyeeyey
Oo seben barwaaqeed ku degey damasha meesheeda
Oo noolihii doogsadeen loo dewrinaayey
Oo caana diiq lagu jiriyo doobbi wada buuxa
Inaan Xamar dangiigaa ragyohow waa dammiinimo e
Daris ubax leh doog iyo naq iyo dooxo biyo haysa
Geela dararay doobigan hodmee lagaga duugaayo
Faras dananay geenyada dabrane daawashada fiican
Qalbigaa ku doogsada halkii dookhu kaa galo e
Dermadayda ii laab halkaa waw degdegayaaye.
Cali Cabdirisaaq Cali-Ayaanle (Shar-diid).
Cali Cabdirisaaq Cali-Ayaanle (Shar-diid).
No comments:
Post a Comment